مەودا میدیا - کاروان نوری

له‌ئه‌نجامی رووداوێكی هاتوچۆ له‌سه‌ر رێگای سه‌ره‌كی نێوان زاخۆ - باتیڤا له‌سنوری پارێزگای دهۆك، كه‌سێك گیانی له‌ده‌ستدا.

ئازاد ته‌ها، وته‌بێژی پۆلیسی هاتوچۆی دهۆك رایگه‌یاند "ئێواره‌ی ئه‌مڕۆ له‌سه‌ر رێگای نێوان زاخۆ - باتیڤا له‌نزیك گوندی هێزاوا، له‌ئه‌نجامی رووداوێكی هاتوچۆ له‌نێوان دوو ئۆتۆمبێل، كه‌سێك گیانی له‌ده‌ستدا".

ئەوەشی خستەڕوو "زیانی ماددی زۆریش به‌ر هه‌ردوو ئۆتۆمبێله‌كه‌ كه‌وتووه". ئەمە لە کاتێکدایە رووداوەکانی هاتوچۆ بە یەکێک لە سەرەکیترین رووداوەکانی مردن لە هەرێمی کوردستان دادەنرێت.