مەودا میدیا - کاروان نوری

بەڕێوەبەرایەتی کەشناسی رایگەیاند، پاشنیوەڕۆی ئەمڕۆ بارانبارین دەستپێدەکات و سبەی چوارشەممەش ئاسمان هەور و بارانبارین دەبێت.
 
ئەمڕۆ سێشەممە 15ی کانونی یەکەمی 2020، بەڕێوەبەرایەتی کەشناسی و بومەلەرزەزانی هەرێمی کوردستان رایگەیاند "ئەمڕۆ لە هەرێمی کوردستان ئاسمان هەوری تەواو دەبێت لەگەڵ دەستپێکردنی باران لەکاتەکانی پاشنیوەڕۆ لە تەواوی پارێزگاکان".

ئەوەشی ئاشکراکردووە "بەفر لەناوچە شاخاوییە سنورییەکان و بەرزەکان دەبارێت و سبەی چوارشەممەش ئاسمان هەور و بارانبارین دەبێت و هەندێک جار لێزمە باران و هەورە تریشقەش دەبێت، لەگەڵ بارینی بەفر لەناوچە شاخاوییە بەرزەکان.