مەودا میدیا - کاروان نوری

سەرۆكی كۆمەڵەی كورتەباڵاكانی كوردستان رایگەیاند، لەمساڵدا 220 خێزانی كورتەباڵا بەهۆی خراپی باری داراییانەوە هەڵوەشاونەتەوە، جەختیشیکردووەتەوە، زۆرێک لە کورتەباڵاکان پێویستیان بە هاوکارییە.

ئەمڕۆ سێشەممە (15-12-2020)، عومەر جەبار، سەرۆكی كۆمەڵەی كورتەباڵاكانی كوردستان لە كۆنفرانسێكی رۆژنامەوانیدا رایگەیاند "لەمساڵدا 220 خێزانی كورتەباڵا بەهۆی خراپی باری داراییانەوە هەڵوەشاونەتەوە و كورتەباڵاكان لە دۆخێكی سەختی ژیاندان و دۆخی ئابوری و كۆمەڵایەتییان خراپە و پێویستیان بەوەیە هاوکاری بکرێن".
 
ئەوەشی خستەڕوو "هەرچەندە پێشتر حكومەتی هەرێمی کوردستان نەیتوانیوە هاوكاری كورتەباڵاكانی كوردستان بكات بەڵام لەمساڵدا بە تەواوەتی كورتەباڵاكانی پشتگوێخستووە".