مەودا میدیا - کاروان نوری

بەپێی فەرمانێکی وەزاری کە واژۆی ئالان حەمەسەعید، وەزیری پەروەردەی هەرێمی کوردستانی لەسەرە، بڕیادرا بە داشکاندنی نرخی خوێندن لە قوتابخانە و پەیمانگە ناحکومییەکان.

بەپێی فەرمانەکە داشکاندانی کرێی خوێندنی هەموو قوتابیانی قوتابخانە و پەیمانگەکانی وەزارەتی پەروەردە بۆ وەرزی یەکەم (نیوەی ساڵ) کەمدەکرێتەوە. بەم شێوەیەی خوارەوە:

یەکەم: قوتابخانە و پەیمانگەکان بە رێژەی 25% کرێی خوێندنی وەرزی یەکەمیان لێوەردەگیرێت.

دووەم: قوتابخانە نێودەوڵەتییەکان بەڕێژەی 15% کرێی خوێندنی وەرزی یەکەمیان لێوەردەگیرێ.

سێیەم: هەر قوتابی و خوێندکارێک سوودمەندبوو بێت لە داشکاندن بە هەر شێوازێک ئەم بڕیارە نایگرێتەوە.