مەودا میدیا-

میدیا عیراقییەکان بڵاویان کردووە سوپای عیراقی هەرسێ بازگەی رێگەی هەولێر و سلێمانی و شوانی گرتەوە دەست، بەپێی بڕیارێکی پێشووی سەرۆک وەزیران دەبوو رادەستی پۆلیس بکرێن.

ئەمڕۆ حکومەتی عیراق ئەوەی ئاشکرا کرد هەرسێ بازگەی رێگەی هەولێر و سلێمانی و شوانی لە سنووری پارێزگای کەرکوکەوە دەسپێردرێت بە سوپای عیراق لە پۆلیس وەردەگیردرێتەوە. 

بەپێی بڕیارێکی پێشووی مستەفا کازمی، سەرۆک وەزیرانی عیراق ئەو سی بازگەیە رادەستی پۆلیس کرابوو، بەڵام هەرسێ بازگەکەی رێگای هەولێر و سلێمانی و شوانی لە سنووری پارێزگای کەرکوکەوە دراوە بە سوپای عیراق و هۆکارەکەشی نەخراوتە ڕوو.