مەودا میدیا-

ئەندامێکی پەرلەمانی کوردستان رایدەگەیەنێت بڕیاری بانکی ناوەندی عیڕاق بۆ بەرزکردنەوەی بەهای دوڵار لەبەرانبەر دینار، بەڵگەیە لەسەر شکستی حکومەتی عیڕاق باس لەوەش دەکات حکومەتی عیراق نەیتوانیوە گەندەڵی بنبڕ بکات.

رێبوار بابکەیی، ئەندامی پەرلەمانی کوردستان لە فراکسیۆنی پارتی دیموکراتی کوردستان دەڵێت "بڕیاری بانکی ناوەندی عیراق بۆ بەرزکردنەوەی بەهای دوڵار لەبەرانبەر دینار، بەڵگەیە لەسەر شکستی حکومەتی عیڕاق لە چارەسەرکردنی کورتهێنانی دارایی کە رووبەڕووی بووەتەوە".

دەشڵێت " هەروەها حکومەتی عیراق نەیتوانیوە چارەسەری پەیکەری و بونیادی بۆ جارێکیتر بە پەیکەر کردنی ئابووری عیڕاق بدۆزێتەوە کە بریتین لە نەهێشتنی گەندەڵی و بەرنگاربوونەوەی و رەنگڕێژکردنی سەرچاوەکانی داهات و کەمکردنەوەی خەرجی دەوڵەت و هاندانی وەبەرهێنانی نێوخۆی و بیانی".