مەودا میدیا-

ئه‌نجومه‌نی باڵای فه‌توا له‌ هه‌رێمی كوردستان رایدەگەیەنێت دروست نییه‌ كاڵاكان له‌سه‌روو رێژه‌ی سروشتی گران بكرێن، باس لەوەش دەکات ئەو خاوەن قەرزانەی قەرزیان بە دۆلار لەلای خەڵکە با هاوکاری قەرزدارەکانیان بن.

لە بەیاننامەیەکدا ئەنجومەنی باڵای فەتوا، لە هەرێمی کوردستان رایگەیاند "دروست نییه‌ كاڵاكان له‌سه‌روو رێژه‌ی سروشتی گران بكرێن و نرخی بخرێته‌ سه‌ر یان قۆرخكاری بكرێت".

ئاماژە بەوەش دەکات "ئه‌و خاوه‌ن قه‌رزانه‌ی قه‌رزیان به‌ دۆلار له‌لای خه‌ڵكه‌ داوا ده‌كه‌ین كه‌ هاوكاری قه‌رزاره‌كانیان بن له‌م بارودۆخه‌دا".

لە بەشێکی دیکەی بەیاننامەکەی ئەنجومەنی باڵای فەتوا هاتووە "پێویستە حکومەتی هەرێمی کوردستان لە پێناو هاوڵاتییان به‌وردی چاودێری نرخه‌كان بکەن و هاوسه‌نگی بازاڕه‌كان رابگرن".