مەودا میدیا-

پاڵاوگەیەكی سوتەمەنی لە ناحیەی کەورگۆسکی  پارێزگای ھەولێر ئاگری گرت، بەھۆیەوە سێ کرێکار گیانیان لەدەستدا و کرێکارێکی دیکەش  بەرینداربوو. 

رائید سەرکەوت کاڕەش، وتەبێژی پۆلیسی بەرگریی شارستانیی هەولێر بە مەودا میدیای راگەیاند "بەیانی ئەمڕۆ پێنجشەممە ئاگر لە بەشێکی پاڵاوگەی کارگرووپ لە ناحیەی کەورگۆسک لە پارێزگای هەولێر کەوتووەتەوە و بەو هۆیەوە سێ کرێکار گیانی لەدەستداوە.

راشیگەیاند "تیمەکانی ئاگرکوژێنەوە گەیشتوونەتە شوێنی رووداوەکە و ئاگرەکەیان کۆنترۆڵ کردووە". باس لەوەش دەکرێت ئاگرەکە بە هۆی لەحیم کردنی یەکێک لە بۆرییەکان بووە.