مەودا میدیا-

بەیانی ئەمڕۆ هەینی لە ئەنجامی پێکدادانی دوو ئۆتۆمبێل لە شەقامی جووتسایدی شاوێسی شاری هەولێر دوو یاریزانی یانەی بەرایەتی برینداربوون کە لە چاوەڕوانی هاتنی پاسدا بوون.

فازل حاجی، وتەبێژی پۆلیسی هاتوچۆی هەولێر لە لاپەڕەی تایبەتی خۆی لەتۆڕی کۆمەڵایەتیی فەیسبووک بڵاویکردووەتەوە "بەیانی ئەمڕۆ هەینی 25ی کانونی یەکەمی 2020، لە ئەنجامی پێکدادانی دوو ئۆتۆمبێل لە جووتسایدی شاوێس لە شاری هەولێر دوو یاریزانی یانەی برایەتی برینداربوون".

ئاماژەی بەوەشکردووە "پێکدادانەکە لەنێوان دوو ئۆتۆمبێلی جۆری کلایزەرێکی تایبەت و گالوبەرێکی تایبەت بووە، شۆفێری کلایزەرەکە کۆنتڕۆڵی لەدەستداوە و بەسەر شۆستەکەدا کەوتووە و خۆی یاوە لە دوو یاریزانەکە کە چاوەڕێی پاس بوون".

ئەوەشی خستووەتەڕوو "هێزەکانی پۆلیسی هاتوچۆی هەولێر لێکۆلینەوەکانیان دەسپێکرد و شۆفێری ئۆتۆمبێلی گالوبەرەکە بە هۆکار سەرەکی رووداوەکە دانرا".

س.س