مەودا میدیا-

ئەدهەم بارزانی، ئەندامی سەرکردایەتیی پارتی دیموکراتی کوردستان لەبارەی بڵاوبوونەوەی چەند قسەیەک بەناوی ئەوەوە روونکردنەوەیەکی بڵاوکردەوە.

لە لاپەڕەی تایبەتی خۆی لە تۆڕی کۆمەڵایەتیی فیسبووک ئەدهەم بارزانی، ئەندامی سەرکردایەتیی پارتی دیموکراتی کوردستان نووسیویەتی "من لێره‌وه‌ ویستم به‌ خزمه‌تان رابگه‌یەنم كه‌ ئه‌م په‌یجه‌ په‌یجی فه‌رمی منه‌ هه‌ر شتێك بڵاوبکەمەوە به‌ فه‌رمی لێره‌ ‌بڵاوده‌بێتەوە".

ئاماژەی بەوەشکردووە "له‌ هه‌ر شوێنێكی تر هه‌ر بابه‌تێك له‌ سه‌ر زاری من  بڵاوده‌كرێتەوە یان بكرێت به‌بێ ره‌زامه‌ندی من به‌ پێچه‌وانه‌ی هه‌موو بنه‌ما‌كانی جوانی رەفتار و راستگۆییه‌".

ئەوەشی نووسیوە "ئه‌مه‌ ماوه‌یه‌كی زۆره‌، چه‌ندین مانگ ده‌بێت داوای راگه‌یاندن به‌ زۆربه‌ی ته‌له‌فزیۆنه‌كانی ناوخۆ و ده‌ره‌وه‌ بۆ چاوپێكه‌وتن رەتکردووەتەوە و وتومه‌ ئێستا كاتی چاوپێكه‌وتن نییه‌، بۆیە بڵاوبوونەوەی هه‌ر لێدوانێكی من له‌ ده‌ره‌وه‌ی ئه‌م په‌یجه‌ و روونكردنه‌وه‌یه‌ په‌یوه‌ندیی به‌ برای خۆتانه‌وه‌ نییه‌".

س.س