مەودا میدیا- سازگار ئەحمەد

ماوەی دوو هەفتە دەبێت نرخی دۆلار بەرانبەر بە دیناری عیراقی بەرزبووەتەوە، ئەمەش کاریگەری لەسەر بەرزبوونەوەی نرخ کردووە لە بازاڕەکاندا، هەروەها بەرزبوونەوەی دۆلار نرخی بەرهەمەکانی سەوزە و میوەشی لە بازاڕەکاندا بەرزکردووەتەوە.

عەتا محەمەد، نوێنەری ژووری بازرگانی لە عەلوەی سلێمانی بە مەودا میدیای راگەیاند "بە دڵنیایەوە بەرزبوونەوەی نرخی دۆلار کاریگەری کردووەتە سەر ئەو بەرهەمانەی کە لە دەرەوەی وڵات دێنە هەرێمی کوردستان، هەروەها ئێستا لە وەرزێکداین کە بەرهەمی ناوخۆمان زۆر کەمە، بۆیە زۆربەی بەرهەمەکان لە تورکیا و ئێران و ئۆکرانیا و سوریاوە دەهێنرێن".

نوێنەری ژووری بازرگانی لە عەلوەی سلێمانی ئاماژەی بەوەشکرد "لە ئێستادا هەموو ئەو بەرهەمانەی کە لە عەلوەدا هەن نزیکە 50 دینار بۆ 100 دیناری چووەتەسەر".

س.س