مەودا میدیا-

ئەندامێکی ئەنجومەنی نوێنەرانی عیراق رایدەگەیەنێت ئەگەر هەرێم و بەغدا لەسەر بودجەی 2021 رێکنەکەوتن حکومەتی عیراقی ناتوانێت مووچەی فەرمانبەران راستەوخۆ بنێرێت  و باس لەوەش دەکات گەشبینە بەرێککەوتنی هەرێم و بەغدا.

جەمال کۆچەر، ئەندامی ئەنجومەنی نوێنەرانی عیراق  لە لیژنەی دارایی بە مەودا میدیای وت "گەشبینم بە رێککەوتنی هەرێم و بەغدا، چونکە هەرێم دەڵێت پابەندین و ئامادەین مەرجەکانی بەغدا جێبەجێبکەین".

کۆچەر وتیشی "لە ئەگەری  رێکنەکەوتنی هەولێر و بەغدا ئەو بودجەیەی بۆ هەرێم دادەنرێت لە بودجەی 2021ی عیراق بەرانبەر بە 250 هەزار بەرمیل نەوتی رۆژانە دەبڕدرێت و ئەوەی دەمێنێتەوە دەدرێت بە هەولێر" و روونیشی دەکاتەوە "هەرێم و بەغدا لەسەر بودجەی 2021 رێکنەکەوتن حکومەتی عیراقی ناتوانێت مووچەی فەرمانبەران راستەوخۆ بنێرێت بۆ پارێزگاکانی هەرێم".

ک.ر