مەودا میدیا-

سەرۆکی پەرلەمانی کوردستان بەنووسراوێک کۆتاییهاتنی خولی پایزەی راگەیاند، بەپێی پەیڕەوی ناوخۆی پەرلەمانی كوردستانیش پەرلەمانتاران بۆ ماوەی دوومانگ پشوو وەردەگرن.

لە نووسراوەکەدا ئەوەش هاتووە "به‌پێى حوكمى بڕگه‌ی (یه‌كه‌م)ى مادده‌ى (7)و بڕگه‌ی (سێیه‌م)ى مادده‌ى (18) له‌په‌یڕه‌وی ناوخۆی په‌رله‌مانى كوردستان-عیراق، خولی پایزه‌ى ساڵی دووه‌م له‌خولی هه‌ڵبژاردنی پێنجه‌می په‌رله‌مانی كوردستان- عیراق كۆتایى دێت".

 جێگەی ئاماژەیە ئه‌م پشووه‌ زستانه‌ی په‌رله‌مانی كوردستان لە سەرەتای ساڵی تازەوه‌ دەستپێدەکات  هه‌تا سەرەتای مانگی ئازاری داهاتوو بەردەوام دەبێت.

ده‌قی نووسراوەکەی سەرۆکی پەرلەمانی کوردستان
به‌ناوى خواى به‌خشنده‌و میهره‌بان
به‌ناوى گه‌له‌وه‌
په‌رله‌مانی كوردستان-عێراق
به‌یان
به‌پێى حوكمى بڕگه‌ی (یه‌كه‌م)ى مادده‌ى (7)و بڕگه‌ی (سێیه‌م)ى مادده‌ى (18) له‌په‌یڕه‌وی ناوخۆی په‌رله‌مانى كوردستان-عێراق، خولی پایزه‌ى ساڵی دووه‌م له‌خولی هه‌ڵبژاردنی پێنجه‌می په‌رله‌مانی كوردستان-عێراق كۆتایى دێت.
د.ڕێواز فایه‌ق
سه‌رۆكی په‌رله‌مانی كوردستان-عێراق