مەودا میدیا-

فەرماندەی گشتیی هێزەکانی سوریای دیموکرات "هەسەدە" دەڵێت هاتنی مسۆگەرکردنی ئاشتی، بەرەوپێشبردنی سیستمی بەڕێوەبەری و ئابووریی لەگەڵ هەڵبژاردن، كارێك و هێڵی سەرەكی خەباتی ئەوان دەبێت، هەروەك هیوای ساڵێكی نوێ بۆ گەلی كوردیش دەخوازێت.

مەزڵوم عەبدی، فەرماندەی گشتیی هێزەکانی سوریای دیموکرات "هەسەدە" لە پەیامێكیدا كەوا بە بۆنەی ساڵی نوێی 2021ەوە بڵاویكردووەتەوە دەڵێت "جیهان بە ساڵێکی سەخت و قەیراناوییدا تێپەڕی، ساڵی نوێتان پیرۆز بێت، ساڵێکی ئارام، بە تەندروستی و ئاشتیتان بۆ ئاواتەخوازام".

عەبادی ئەوەشی نووسیوە "مسۆگەرکردنی ئاشتی، بەرەوپێشبردنی سیستمی بەڕێوەبەری، ئابووری و ئەنجامدانی هەڵبژاردن،  کار و خەباتی لە پێشینەی ئەمساڵمان دەبێت. هاتنی ساڵی نوێ، لە گەلەکەمان و سەرجەم بنەماڵەی شەهیدان پیرۆز بێت".