مەودا میدیا- سازگار ئەحمەد

بڕیارە لە سبەینێ یەکشەممەوە دابەشکردنی نەوتی سپی ماڵان لە ناوچەکانی سنووری قەزای سۆران دەستپێبکاتەوە، وەک قایمقامی سۆران ئاماژەی پێدەکات لە 25% نەوت لە سۆران دابەشکراوە.

هەڵگورد شێخ نەجیب، قایمقامی قەزای سۆران بە مەودا میدیای راگەیاند "دوای دروستبوونی کێشە لە دابەشکردنی نەوت و وەستانی پرۆسەکە لە قەزای سۆران، لە ئێستادا کێشەکە چارەسەرکراوە و سبەینێ یەکشەممە 3ی کانونی دووەمی 2020 لە قەزای سۆران دەست بە دابەشکردنی نەوتی سپی ماڵان دەکرێتەوە".

ئاماژەی بەوەشکرد "رۆژانە 500 بەرمیل نەوت لە سۆران دابەش دەکرێت و لە هەوڵی ئەوەداین رێژەکە زیاد بکەین", وتیشی "لە سۆران ب رێژەی لە 20%  بۆ لە 25% نەوت دابەشکراوە، هەروەها هەوڵدەدەین لە زووترین کاتدا ئەو شوێنانەی کە ماون نەوتیان بەسەردا دابەش بکرێت".

س.س