کوردستانی
"سوپرایزی بۆ ئۆتۆمبێلەکەی کرد و سزادرا"
مەودا میدیا - سلێمانی |
مەودا میدیا-
وتەبێژی هاتووچۆی هەولێر رایگەیاند دەستیان بەسەر ئۆتۆمبێلێکدا گرتووە کە شۆفێرەکەی هەستاوە بە گۆڕینی رەنگەکەی و وتویەتی "سوپرایزم بۆ کردووە".
فازیل حاجی، وتەبێژی بەڕێوەبەرایەتيی هاتوچۆی هەولێر رایگەیاند کە دەستیان بەسەر ئۆتۆمبێلێکدا گرتووە کە لەلایەن شۆفێرەکەیەوە رەنگەکەی لە رەشەوە بۆ ئاڵتوونی گۆڕاوە.
روونیشیکردەوە لە کاتی لێپێچینەوە لە هۆکاری رەنگ گۆڕینەکە، شۆفێری ئۆتۆمبێلەکە وتی، "ئەمڕۆ رۆژی لە دایکبوونی ئۆتۆمبێلەکەمە و سوپرایزم بۆ کردووە."
وتەبێژی هاتوچۆی هەولێر بە تەنزەوە وتویەتی "ئۆتۆمبێلکە سوپرایزەکەی بە دەستنەگەیشت و چەند شەوێک لە گەراجی دەستبەسەرداگرتن دەمێنێتەوە."
ئەمە لەکاتێکدایە کە بەگوێرەی رێنماییەکانی وەزارەتی ناوخۆ، گۆڕینی خۆ بە خۆی رەنگی ئۆتۆمبێل بەبێ رەزامەندی و ئاگاداری وەزارەتی ناوخۆ رێگەپێدراو نییە.
ب.م
بیروڕا
