کوردستانی
زاخۆ؛ کچێک لە باڵەخانەیەکی بەرز کەوتەخوارەوە و گیانی لەدەستدا
مەودا میدیا - سلێمانی |
مەودا میدیا-
لە زاخۆ کچێکی گەنج، لە باڵەخانەیەکی بەزر کەوتە خوارەوە و گیانی لەدەستدا و پۆلیسیش دەستی بە لێکۆڵینەوە لە رووداوەکە کردووە.
ئێوارەی ئەمڕۆ شەممە، لە کۆمەڵگەی دەلال لە زاخۆ، کچێکی گەنجی تەمەن سەروو 20 ساڵ، لە باڵەخانەی شوقەیەکەوە کەوتووەتە خوارەوە و گیانی لەدەستداوە.
بەگوێرەی زانیارییەکان تا ئێستا پۆلس بۆی دەرنەکەوتووە کە کچەکە خۆی هەڵداوەتەخوارەوە یان بەبێئاگا کەوتوەتە خوارەوە و یان کەسێکی تر دەستی لە رووداوەکەدا هەبووە.
ئەمە لە کاتێکدایە کە بەردەوام ئامارەکانی کوشتن و خۆکوشتنی ژنان و کچان لە هەرێمی کوردستان رووی لە بەرزبوونەوەیە.
بەگوێرەی ئامارە فەرمییەکان، تەنها لە شەش مانگی سەرەتای ساڵی رابردوودا، لە هەرێمی کوردستان 16 ژن خۆیان کوشتووە یان کوژراون.
ب.م
ب.م
بیروڕا
