عیراقی
دوو سەرکردەی نزیک لە موقتەدا سەدر کوژران
مەودا میدیا - سلێمانی |
مەودا میدیا-
میدیا عیراقییەکان ئاشکرایان کردووە کە بەهۆی دەستڕێژی گولەوە، دوو سەرکردەی رەوتی سەدر لە میسان کوژراون.
ماڵپەڕی سۆمەرییە نیوزی عیراقی بڵاویکردووەتەوە کە دوێنێ دوشەممە لە سەر رێگەی مەجەر لە پارێزگای میسان، دوو سەرکردەی باڵای رەوتی سەدر کوژراون.
بەگوێرەی هەواڵی ماڵپەڕەکە، رووداوەکە بەهۆی دەستڕێژی گولەوە بووە و ئەو دوو کەسە دەستبەجێ گیانیان لەدەستداوە.
سۆمەرییە نیوز ناوی ئەو دوو سەرکردەیەی رەوتی سەدری ئاشکرا نەکردووە و تا ئێستاش رەوتی سەدر بە فەرەمی هیچ زانیارییەکی لەو بارەیەوە بڵاونەکردووەتەوە.
رەوتی سەدر لەلایەن موقتەدا سەدرەوە رێبەرایەتی دەکرێت و لە پەرلەمانی عیراق بەناوی کوتلەی سائیرون کار دەکات.
ب.م
بیروڕا
