مەودا میدیا-

کۆمسیۆنی باڵای سەربەخۆی هەڵبژاردنەکانی عیراق لە راگەیاندراوێکدا دەڵێت "63 حزبی نوێ دامەزراون و داوای تۆمارکردنیان لە کۆمسیۆن کردووە" دەشڵێت "لە هەڵبژاردنی ئەمساڵدا 25 ملیۆن هاوڵاتی عیراقی مافی دەنگدانیان هەیە".

کۆمسیۆن روونیشی دەکاتەوە "تائێستا 433 حزب داواکاریان پێشکەشکردووە تا خۆیان بۆ هەڵبژاردنی پەرلەمانی عیراق تۆماربکەن، 128 حزبیش تۆمارکردنیان ره‌تکراوه‌ته‌وه‌" و باسی لەوەش کردووە  "لەئێستادا  225 حزب پەسەندکراون لە کۆمسیۆن ".

 کۆمسیۆنی باڵای سەربەخۆی هەڵبژاردنەکانی عیراق "128 حزب وەرنەگیراون و ناویان تۆمارنەکراوە، هاوکات 17 حزب خۆیان داوای کشانەوەیان لە تۆمارکردن کردووە".

پێشتر مستەفا کازمی، سەرۆک وەزیرانی عیراق لە وته‌یه‌كیدا رایگەیاند، رۆژی 6ی حوزەیرانی 2021 وادەی هەڵبژاردنی پێشوەختەیە لە عیراق، تائێستاش هیچ بڕیارێک نییە بۆ دواخستنی.

ک. ر