مەودا میدیا-

وەزارەتی نەوتی عیراق رایگەیاند لە ساڵی رابردوودا ملیارێک و 96 ملیۆن و 345 هەزار بەرمیل نەوتی خاو هەناردەی دەرەوە كراوە.

وەزارەتەکە لە راگەیەنراوێدا کە وێنەیەکی دەست مەودا میدیا کەوتووە ئاماژەی بەوەکردووە مانگانە بە تێكڕای 91 ملیۆن و 362 هەزار بەرمیل و رۆژانەش 2 ملیۆن و 362 هەزار بەرمیل لە نەوتی خاوی عیراق رەوانەی بازاڕەكانی جیهان كراوە.

ئەوەش خراوەتەڕوو "كۆی داهاتی نەوتی فرۆشراوی عیراق لەو ساڵەدا بریتی بووە لە 41 ملیارو 755 ملیۆن دۆلار و تێكڕای یەك بەرمیل نەوتیش بە 38 دۆلارو 86 سەنت خەمڵێنراوە".

بە هەمانشێوە، کۆمپانیای سۆمۆ، لە راگەیەنراوێکدا ئەوەی خستووتەڕوو "كۆی ئەو نەوتەی لە كیڵگەكانی بەسرەو ناوەڕاستی عیراق هەناردەكراون بڕی  ملیارێك و 60 ملیۆن و 454 هەزار بەرمیل بوەو داهاتەكەشی بریتی بووە لە 40 ملیارو 488 ملیۆن دۆلار".

ب.م