مه‌ودا میدیا-

سەرۆک کۆماری ئێران رایگه‌یاند، لە ئەمه‌ریکا و ئیسرائیل ناترسم به‌ڵكو لە شەڕ و ئاژاوەی ناوخۆیی دەترسم، ئێمە ئەگەر یەکگرتوو بین بەسەر کێشەکاندا سەردەکەوین.

مەسعود پزشکیان، سه‌رۆك كۆمارى ئێران لە کۆبوونەوەیەکدا لە شارى ئیسفەهان رایگه‌یاند "ئەگەر لە کارەکاندا سەربکەوین ئەنجامی بەڕێوەبەرایەتیی دروستە و ئەگەریش شکست بهێنین هەر ئەنجامی بەڕێوەبەرایەتیی بووە".

ئه‌وه‌شى خسته‌ڕوو "ئێمە لەسەر زێڕ خەوتووین بەڵام برسیمانە، تاوانبار ئێمەین، بەرپرسان، سیاسەتوانان و یاسادانەرانن، تاوانبار ئەمه‌ریکا نییه‌".

وتیشى "ئەبێ خەڵک ئەوە باوەڕ بکەن کە دەمانەوێت خزمەتیان پێبكەین نەک دەسەڵاتداری بکەین، ئەبێ بە بڕوا و بیرەوە بڵێین کە دەمانەوێت خزمەتگوزار بین نەک هەر دروشم بێت و کڵاو لەسەر خەڵک بنێین و کارێکی دیکە بکەین".

باسى له‌وه‌شكرد "لە ئەمه‌ریکا و ئیسرائیل ناترسم به‌ڵكو له‌ کێشە و شەڕی ناوخۆیی دەترسم، ئەگەر پێکەوە یەکگرتوو بین بەسەر هەموو کێشەکاندا سەردەکەوین و ئەگەر به‌ شەڕ بێین پێویستی بە ئەمه‌ریکا و ئیسرائیل نییە، خۆمام خۆمان دەڕووخێنین".

ع