مەودا میدیا-

به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی کوردستان  پێشبینی ره‌وشی كه‌شوهه‌وای ئه‌مڕۆ هەینی 31ی كانونی دووه‌م و سبه‌ی شەممە 1ی شوباتی 2020 ی ناوچه‌ جیاجیاكانی هه‌رێمی كوردستانی بڵاوكرده‌وه‌.

به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی کوردستان لە راگەیاندراوێکدا بڵاویکردووەتەوە "لە ئەنجامی کاریگەری نزمە پاڵەپەستۆی دەریای سپی ناوەڕاست ئەمڕۆ هەینی 31ی کانونی 2020 شەپۆلێکی بەفر و باران ناوچە جیاجیاکانی هەرێم دەگرێتەوە لە درەنگانی شەودا کاریگەرییەکەی بەهێز دەبێت".

لە راگەیاندراوەکەدا هاتووە "بەفر و کرێوە سەنتەری شاری سلێمانی و دەورەبەری شارەکانی هەولێر و دهۆک دەگرێتەوە خێرایی با زیاد دەکات و پلەکانی گەرما نزم دەبێتەوە، هەروەها کاریگەری ئەم شەپۆلە تاوەکو رۆژی یەکشەممە بەردەوام دەبێت".

به‌پێی پێشبینییه‌كانی كه‌شناسی کەشوهەوای 48 کاتژمێری داهاتوو لە شارەکانی هەرێمی کوردستان بەمشێوەیەی خوارەوەیە.