مەودا میدیا-

هاتوچۆی پێنجوێن رایگەیاند، رووداوێکی هاتوچۆ لەنێوان پێنجوێن–سەیدسادق روویدا و بەو هۆیەوە کەسێک گیانیلەدەستدا و کەسێکی دیکەش بریندار بووە.

سەرکەوت مەجید، لە بەڕێوەبەرایەتیی هاتوچۆی پێنجوێن بە مەودا میدیای راگەیاند "سەرلەبایانی ئەمڕۆ چوارشەممە رووداوێکی هاتوچۆ لە جۆری وەرگەڕان لە سەر رێگەی پێنجوێن- سەیدسادق نزیک گوندی 'تەڕاتەوەن' روویدا و کەسێک گیانی لەدەستدا و کەسێکی دیکەش بریندارە.

ئاماژەی بۆ ئەوەشکرد "ئەو ئۆتۆمبێلەی وەرگەڕاوە لە جۆری بارهەڵگرە و کۆنترۆڵی لەدەستداوە، شۆفێرێک و سەرنشینێکی تێدابووە و سەرنشینەکە یەکسەر گیانی لەدەستداوە و شۆفێرەکەش بە سەختی بریندارە و رەوانەی نەخۆشخانەی فریاکەوتنی قەزای پێنجوێن کراوە".

ئەوەش لەکاتێکدایە رووداوەکانی هاتوچۆ بەردەوام لە زیادبووندایە و شارەزایانی بواری هاتوچۆش هۆکارەکەی بۆ تیژڕەوی و پابەند نەبوونی شۆفێران بە رێنماییەکانی هاتوچۆ و خراپی رێگەوبانەکان دەگێرنەوە.

ر.ر