مەودا میدیا-

بەڕێوەبەریەتی پلاندانانی پەروەردەیی گشتیی سلێمانی لە راگەیەندراوێکدا ئاماژەی بەوەکرد لە ئایندەیەکی نزیكدا سیستەمی مووچە چالاک دەکرێت و سەرجەم کارەکانی لە رێگەی سیستەمی ُE-Parwardaوە جێبەجێ دەکرێت.

لە راگەیەندراوەکەدا هاتووە "لە ئایندەیەکی نزیكدا سیستەمی مووچە چالاک دەکرێت و سەرجەم کارەکانی لە رێگەی سیستەمی ُE-Parwardaوە جێبەجێ دەکرێت، بۆیە پێویستە پەروەردەکان و قوتابخانەکان ئامادەکاری تەواو بکەن".

ئاماژە بەوەشکراوە "نابێت هیچ هەڵە و کوموکوریەک لە داتا و زانیاریەکانیان هەبێت و دەبێت کۆتا سەرەمووچەی ساڵانە (علاوە) بۆ سەرجەم مامۆستایان و فەرمانبەران تۆمارکرابێت و دڵنیاببنەوە لە راستی و دروستی پلە و ساڵ و مووچەی بنەڕەتی".

س.س