مەودا میدیا-

وەزارەتی کارەبا رایگەیاند، بە پشت بەستن بە بەرھەمھێنانی 3400 مێگاوات کارەبا، لە چوار رۆژی جەژنی قورباندا 14 کاتژمێر کارەبا دەداتە ھاوبەشانی.

ئەمڕۆ دووشەممە 19ی تەمووزی 2021 وەزارەتی کارەبای حکومەتی هەرێمی کوردستان لە راگەیەندراوێکدا بڕی پێدانی کارەبا بۆ رۆژانی جەژن ئاشکرا کرد و رایگەیاند "وەزارەتی كارەبا بە پشت بەستن بە بەرھەمھێنانی 3400 مێگاوات کارەبا، لە چوار رۆژی جەژنی قورباندا 14 کاتژمێر کارەبا دەداتە ھاوبەشانی".

ئاماژەی بۆ ئەوەشکردووە، بۆ ئەم مەبەستە، بەڕێوەبەرایەتیی گشتیی كۆنتڕۆڵی كارەبای هەرێم لەگەڵ بەڕێوەبەرایەتییەكانی كۆنتڕۆڵی كارەبای پارێزگاكانی هەولێر، سلێمانی، دهۆك و ئیدارەی گەرمیان و سەرجەم وێستگەگانی بەرهەمهێنانی كارەبا، گواستنەوە و دابەشكردنی كارەبا لەسەر ئەرکەکانیان بەردەوام دەبن.

ئەوە لەکاتێکدایە بە پێی راگەیەندراوەکانی پێشوی وەزارەتی کارەبا، ھەرێمی کوردستان لە وەرزی گەرمادا، پێویستیی بە 4200 تا 4500 مێگاوات کارەبا ھەیە.

ر.ر