مه‌ودا میدیا-

وه‌زاره‌تی ناوخۆی حكومه‌تی هه‌رێمی كوردستان مه‌رجه‌كانی هاورده‌كردنی ئۆتۆمبیلی راگه‌یاند.

به‌پێی نووسراوێكی وه‌زاره‌تی ناوخۆ مه‌رجه‌ گشتییه‌كانی هاورده‌كردنی ئۆتۆمبیل، هاورده‌كردنی ئۆتۆمبیلی به‌كارهاتوو، ئۆتۆمبیلی سفر كیلۆ مه‌تر و سزاكانی سه‌رپێچیكاران روونكراوه‌ته‌وه‌.

 به‌پێی نووسراوه‌كه‌ ئه‌و ئۆتۆمبیلانه‌ی به‌ سووته‌مه‌نی به‌نزین و گاز و كاره‌با و غاز كارده‌كه‌ن ده‌هێنرێنه‌ هه‌رێمی كوردستان.

ده‌رباره‌ی ئۆتۆمبیلی به‌كارهاتوو له‌ نوسراوه‌كه‌دا هاتووه‌ ئه‌و ئۆتۆمبیلانه‌ی تا 1ی كانونی یه‌كه‌می 2020 هاتوونه‌ته‌ ده‌روازه‌ سنوورییه‌كان رێگه‌یان پێده‌درێت بهێنرێنه‌ ناو هه‌رێمی كوردستان.

مه‌رجه‌كانی هاورده‌كردنی ئۆتۆمبیلی سفر كیلۆ مه‌تریش ئه‌وه‌یه‌ ئه‌و ئۆتۆمبیلانه‌ هاورده‌ بكرێن كه‌ ده‌گه‌نه‌ ده‌روازه‌ سنوورییه‌كان نابێت له‌ 100 كم زیاتر رۆشتبن.