مەودا میدیا-

بەرگری شارستانیی كۆیە رایگەیاند، ئێوارە ئەمڕۆ گەنجێكی 21 ساڵان لە بەندوای سماقوڵی بەهۆی نەشارەزایی لە مەلەكردن خنكاوە.

بەڕێوەبەرایەتیی بەرگری شارستانیی كۆیە لە راگەیەندراوێكدا ئاماژەی بۆ ئەوەکرد " ئێوارەی ئەمڕۆ سێشەممە 20ی تەمووزی 2021، هاوڵاتییەكی بە رەگەز عەرەب بە ناوی (عەباس محەمەد ئیبراهیم)، تەمەن 21 ساڵ، دانیشتوی هەولێر، پیشە کاسب، لە بەنداوی سماقوڵی بەهۆی نەشارەزایی لە مەلەکردن خنکاوە."

بەڕێوەبەرایەتیی بەرگری شارستانیی کۆیە داوای لە هاوڵاتیان كردووە بۆ سەلامەتی گیانیان دوربکەونەوە لە مەلەکردن و پابەندی تابلۆی رێنماییەکان بن بۆ ئەوەی ئاسودەیی کەسوکاریان تێک نەچێت و گەشتێکی سەلامەت ئەنجام بدەن.

ر.ر