مەودا میدیا-

به‌ڕێوه‌به‌رایه‌تیی گشتی كه‌شناسی و بومه‌له‌رزه‌زانی هه‌رێمی كوردستان رایگه‌یاند، له‌سبه‌ی چوارشه‌ممه‌وه‌، پله‌كانی گه‌رما دابه‌زین به‌خۆوه‌ ده‌بینن و له‌گه‌ڵ ئه‌وه‌شدا ئه‌گه‌ری به‌رزبوونه‌وه‌ی تۆزێكی سوك هه‌یه‌. 
 
 له ‌راگه‌یه‌ندراوێكدا كه‌شناسی و بومه‌له‌رزه‌زانی هه‌رێم بڵاویكرده‌وه‌، سبه‌ی پله‌كانی گه‌رما دابه‌زینێكی كه‌م به‌ خۆ وه‌ ده‌بینن به‌راورد له‌گه‌ڵ ئه‌مڕۆدا، هه‌روه‌ها خێرایی با (10-25) كیلۆمه‌تر ده‌بێت له ‌كاتژمێرێكدا، ئه‌گه‌ری به‌رزبوونه‌وی تۆزێكی سوكیش هه‌یه‌ به‌تایبه‌ت له‌ نیوەڕۆدا‌.

ئه‌وه‌شی خستووەتەڕوو، گه‌رمترین ناوچه‌ی ئه‌مڕۆ سێشه‌ممه‌، له‌ هه‌موو ناوچه‌كانی عیراق و هه‌رێمی كوردستان، قه‌زای خانه‌قین بوو کە 52 پله‌ی سیلیزی تێدا تۆماركرا.

ر.ر