مەودا میدیا-

بەڕێوەبەرایەتیی پۆلیسی پارێزگای هەولێر دەستگیرکردنی تۆمەتبارێکی راگەیاند لە گەڕەکی شادی شاری هەولێر بە تۆمەتی کوشتنی کەسێک لەسەر کێشەی کۆمەڵایەتی.

لە راگەیەندراوەکەی پۆلیسی هەولێردا هاتووە "بەشی پۆلیسی فریاکەوتنی هەولێر شەوی رابردوو لە گەڕەکی شادی تۆمەتبارێکیان بە ناوی (ش. خ) دەستگیرکرد کە لەسەر کێشەیەکی خێزانی هەڵسابوو بە کوشتنی کەسێک بە ناوی (رێبین تەحسین)".

پۆلیسی هەولێر ئاماژەی بەوەشکرد "تۆمەتباری ئاماژەپێکراو پەڕاوی لێکۆڵینەوەی بۆ رێکخرا و رادەستی دادگا کرا".

س.س