مەودا میدیا-

بەڕێوەبەرایەتیی گشتیی تەندروستیی دهۆک هۆشداری دەدات لە بەرزبوونەوەی ژمارەی تووشبووانی کۆرۆنا لە دهۆک و داواش دەکات حکومەتی هەرێمی کوردستان ماوەی دوو هەفتە بۆ مانگێک قەدەغەی هاتوچۆ رابگەیەنێت.

حەمزە رەزیكی، وتەبێژی بەڕێوەبەرایەتی گشتی تەندروستی دهۆک رایگەیاند "ئەگەر حكومەتی هەرێمی كوردستان بۆ ماوەی دوو هەفتە تا مانگێك قەدەغەی هاتوچۆ رابگەیەنێت، رەنگە دۆخی بڵاوبوونەوەی ڤایرۆسی كۆرۆنا و ئامادەكارییە تەندروستییەكانی پەیوەست بەم بابەتە باشتر كۆنترۆڵبكرێن".

وتەبێژی تەندروستی دهۆك ئاماژەی بەوەشکرد "ئەگەر قەدەغەی هاتوچۆ رانەگەیەندرێت، بارودۆخی بڵاوبوونەوەی ڤایرۆسی كۆرۆنا زۆر خراپ دەبێت و ژمارەی تووشبووان زیاتر بەرز دەبێتەوە".

س.س