مەودا میدیا-

وتەبێژی هاوپەیمانیی نێودەوڵەتی دژی داعش بە رووداوی راگەیاندووە، بەرەبەیانی رۆژی هەینی فڕۆکەیەکی بێفڕۆکەوان بنکەیەکی هاوپەیمانانی لە نزیک شارۆچکەی هەریر لە پارێزگای هەولێر کردە ئامانج، هێرشەکە زیانی ماددی و گیانی نەبووە.

وەین مارۆتۆ، وتەبێژی هاوپەیمانیی نێودەوڵەتی دژی داعش بە رووداوی راگەیاندووە "لە رۆژی 23ی تەممووزی 2021 کاتژمێر 1:23 خولەکی بەرەبەیان، فڕۆکەیەکی بێفڕۆکەوان بنکەیەکی هاوپەیمانانی لە کوردستان کردە ئامانج".

ئەوەشی روونکردووەتەوە "هێرشەکە هیچ زیانێکی مرۆیی و ماددی لێنەکەوتووەتەوە".

جەختی لەوەشکردووەتەوە "ویلایەتە یەکگرتووەکانی ئەمەریکا و هێزەکانی هاوپەیمانان بە ئاگا دەمێننەوە و لە چوارچێوەی مافی سرووشتییاندا، بەرگری لە خۆیان دەکەن".

ر.ر