مەودا میدیا-

سبەی یەكشەممە هەڵمەتی هێزە ئەمنییەکان و پولیسی هاتوچۆی سلێمانی بۆ جێبەكردنی بڕیاری قوباد تاڵەبانی، جێگری سەرۆكی حكومەتی هەرێم، بۆ  دەستبەسەرداگرتنی ئۆتۆمبێلی بێ سەرەتا و جام رەش دەست پێدەكات.

 لە چەند رۆژی رابردوودا هەردوو بەڕێوەبەرایەتیی پۆلیس و پۆلیسی هاتوچۆی سلێمانی کۆبوونەوە و رایانگەیاند، لەسەر داوای قوباد تاڵەبانی، جێگری سەرۆکی حکومەتی هەرێمی کوردستان هەڵمەتێک دەست پێدەکەن بۆ دەستبەرداگرتنی ئەو ئۆتۆمبێلانەی سەرپێچی یاساییان هەیە و بەگوێرەی بڕیارەکە، دەستبەسەرداگرتن ئۆتۆمبێلە خوار مۆدێلەکانیش دەگرێتەوە.

 بە پێی زانیارییەکانی مەودا میدیا بەرنامە داندراوە  لە چەند شوێنێکی ناو شاری سلێمانی و دەوروبەری بازگە دادەنرێت بۆ دەستبەسەرداگرتنی ئۆتۆمبێلی جام رەش و ئۆتۆمبێلە بێسەرەتاکان، دەستبەسەرداگرتنەکە ئۆتۆبێلە خوار مۆدێلەکانیش دەگرێتەوە.

 ر.ر