مەودا میدیا-

سەرۆکی حکومەتی هەرێمی کوردستان رایدەگەیەنێت مووچەی مانگی تەمووز بەبێ لێبڕین دابەش دەکرێت، ئاماژەی بەوەشکرد ئەگەر حکومەتی عیراق وەک ئەم مانگە پارە بنێرێت ئەوا مانگەکانی دیکەش بەبێ لێبڕین مووچە دابەش دەکرێت.

مەسرور بارزانی، سەرۆکی حکومەتی هەرێمی کوردستان ئەمڕۆ یەکشەممە 25ی تەمووزی 2021 لە میانەی پێشکەشکردنی وتارێکدا رایگەیاند "مووچەی مانگی تەمووزی فەرمانبەرانی هەرێمی کوردستان بەبێ لێبڕین دابەش دەکرێت".

سەرۆکی حکومەتی هەرێمی کوردستان ئاماژەی بەوەکرد "ئەگەر حکومەتی عیراق لەسەر بەڵێنەکەی خۆی بەردەوام بێت ئەوا مانگەکانی داهاتووش بەبێ لێبڕین مووچە دابەش دەکەین".

لەبارەی کۆرۆناوە مەسرور بارزانی وتی "بەرزبوونەوەی رێژەی کۆرۆنا بۆ جێبەجێنەکردنی رێکارەکانی تەندروستیی دەگەڕێتەوە، بۆیە داوا لە هاوڵاتییان دەکەین رێکارەکانی خۆپارێزی جێبەجێ بکەن".

س.س