مەودا میدیا-

 

وتەبێژی هاتوچۆی هەولێر وێنەی ئۆتۆمبێلێکی لاندکروزەری بڵاوکردووەتەوە و رایگەیاند، بەدەست منداڵێکەوە بووە و بە خێرایی لێیخوڕیوە و دەستیان بەسەردا گرتووە.

 

فازڵ حاجی، وتەبێژی هاتوچۆی هەولێر لەگەڵ بڵاوکردنەوەی وێنەی ئۆتۆمبێلەکە نوسیویەتی "ئەمڕۆ لەلایەن مەفرەزەکانی هاتوچۆی ناو شار، ئەو ئۆتۆمبێلە دەستی بەسەردا گیراوە کە بەدەست منداڵێکەوە بووە و بە خێرایی و سەرەڕۆیی لێیخوڕیوە".

 

 فازڵ حاجی نووسیویەتی "تکایە دایکان و باوکانی خواپێدراو، ئۆتۆمبێل نوقڵ و شیرینی نییە بیدەنە دەست منداڵەکانتان، چونکە کاتێک تووشی رووداوێک دەبێتەوە منداڵەکەتان، کە ئەوەیان گومانی تێدا نییە، دەست ماچکردن و پاڕانەوە و ئەوەی منداڵەکەتان سویچەکەی دزیوە و ئاگاتان لێنەبووە، ناخوات و بەکەڵکتان نایەت".

  

لە کۆتاییشدا دەڵێت "تکایە بەر لە ماچکردنی دەستی خەڵک، دەستی خۆتان ماچ بکەن".

 

ر.ر