مەودا میدیا-

وەزارەتی پەروەردەی حکومەتی هەرێمی کوردستان ئاگاداریی گشت مامۆستایانی (میلاک و وانەبێژ) دەکاتەوە لە هەردوو قۆناغی بنەڕەتی و ئامادەیی بە تایبەتیش مامۆستایانی (زمانی ئینگلیزی) کەوا سەردانی ئەو لینکەی خوارەوە بکەن بۆ تۆمارکردنی ناویان بەمەبەستی پێشخستن و بەرزکردنەوەی ئاستی زمانی ئینگلیزی.

لە راگەیەندراوەکە وەزارەتی پەروەردەی حکومەتی هەرێمی کوردستان هاتووە " لە چوارچێوەی هەماهەنگیی و لێک تێگەیشتنی نێوان وەزارەتی پەروەردەی حکومەتی هەرێمی کوردستان و ئەنجومەنی رۆشنبیری بەریتانی (بریتش کاونسل) ئاگاداریی گشت مامۆستایانی وەزارەتمان دەکەینەوە (میلاک و وانەبێژ) لە هەردوو قۆناغی بنەڕەتی و ئامادەیی بە تایبەتیش مامۆستایانی (زمانی ئینگلیزی) کەوا سەردانی ئەو لینکەی خوارەوە بکەن بۆ تۆمارکردنی ناویان بەمەبەستی پێشخستن و بەرزکردنەوەی ئاستی زمانی ئینگلیزی کۆرسەکانی راهێنانی (بریتش کاونسل) لەسەر ئاستی نێودەوڵەتی و عیراق و هەرێمی کوردستان کەوا رۆژانە رێژەی سەردانی کردن لەو لینکە دیاری دەکات، کۆرسەکانی راهێنان بۆ ئاستی جیاواز و بەشێوەی ئۆنلاین دەبێت و بێبەرانبەرە، دوا مۆڵەت بۆ ناو تۆمارکردن رێکەوتی 16ی 9ی 2021 دەبێت".

کلیک لێرە بکە بۆ ناو تۆمارکردن

https://iraq.britishcouncil.org/en/programmes/education/english-language-teaching-professionals-network)