مەودا میدیا-

ئەمڕۆ سێشەممە بافڵ تاڵە‌بانی، هاوسەرۆکی یەکێتیی نیشتمانیی کوردستان لە دەباشان پێشوازی لە‌ سە‌رۆك و خزمانی عە‌شرە‌تی میراودە‌لی کرد.

لە‌ كۆبوونە‌وە‌یە‌كدا کە قوباد تاڵەبانی ئامادە بوو، بافڵ تاڵەبانی باسی لە ‌دوایین پێشهات و گۆڕانكارییە‌كان كرد و دڵنیایكردنەوە‌ كە ھە‌موو ئە‌و ھە‌نگاوانە‌ی نراون لە‌پێناو بە‌رژە‌وە‌ندیی گشتیدا بووە و لە هەوڵەکانیشمان بە‌ردە‌وام دە‌بین لە‌ پێناو پاراستنی ئارامیی ئە‌م دە‌ڤە‌رە‌ رێگریش لە‌ ھە‌ر ھە‌وڵێك دەکەین كە‌ ئامانج لێی تێكدانی سە‌قامگیری و چە‌واشە‌كردنی خە‌ڵكی خۆشەویستی کوردستان بێت.

 ھاوسە‌رۆكی یە‌كێتی ئە‌وە‌شی بۆ خزمانی عە‌شرە‌تی میراودە‌لی روونكردە‌وە‌ "یە‌كێتی دە‌بێتە‌وە‌ بە یە‌كێتییە‌ بە‌ھێزە‌كە‌ی جاران و لە‌ ئاست خواست و چاوە‌ڕوانی یە‌كێتییە‌كان و كۆمە‌ڵانی خە‌ڵكی كوردستان بە‌گشتی دە‌بێت و لە‌داھاتوودا دە‌رئە‌نجامی باش دە‌بینن".

لە درێژەی کۆبوونەوەکەدا بافڵ تاڵەبانی ستایشی رۆڵی گرنگ و مێژوویی عەشیرەتی میراودەلی کرد و رایگەیاند "ئێوە عە‌شرە‌تێكی تێكۆشە‌ر و خاوە‌ن ھە‌ڵوێستی جوامێرانە‌ن، ھە‌میشە‌ پاڵپشتی یە‌كێتییە‌كە‌ی مام بوون و ئێستاش ھە‌ر ئە‌وە‌تان لێ چاوە‌ڕوان دە‌كرێت".

س.س