مەودا میدیا-

پێش نیوەڕۆی ئەمڕۆ سێشەممە 4ی شوبات 2020 هاوڵاتیانی دانیشتوی ناحییەی عەربەتی سەر بە شاری سلێمانی بەهۆی خراپی خزمەتگوزاریيەكانەوه  رژانە سەر شەقام و  داوای دابینكردنی خزمەتگوزارییەكان دەكەن.

بەپێی زانیارییەكان كە بە مەودا میدیا دراوە هاوڵاتیانی دانیشتووی ناحییەی عەربەت بە تەواوی چین و توێژەكانەوە رژاونەتە سەر شەقام و داوای دابینكردنی خزمەتگوزارییەكانی كارەبا و سوتەمەنی و غاز دەكەن.

هەر بەپێی زانیارییەكان خۆپیشاندەران چونەتە بەردەم بیانی ناحییەی عەربەت و رێگەی سەرەكی سلێمانی عەربەتیان داخستووە كە هاتووچۆی چەندین ناوچە و قەزای لەسەرە بە تایبەت رێگای پارێزگای هەڵەبجە و ئیدارەی گەرمیان.

تا ئێستا هیچ لایەنێكی پەیوەندیدار و بەرپرسی حكوومی بە دەم داوای خۆپیشاندەرانەوە نەڕۆشتووە و ئەوانیش دەڵێن "بەردەوام دەبن لە خۆپیشاندان و داخستنی ڕێگای هاتووچۆ ئەو ناوچانە تا ئەو كاتەی خزمەتگوزارییەكانیان بۆ دابین دەكرێت".