مەودا میدیا-

پارێزگاری هەولێر سەرجەم ئەو هەواڵانە رەتدەکاتەوە کە باس لەوە دەکەن پارێزگاری هەولێر فەرمانی کردووە بە نەناردنی هێلکە لە هەولێر بۆ سلێمانی.

پارێزگاری هەولێر لە راگەیاندراوەکەدا دەڵێت "ئەم هەواڵە نەک هەر درۆ و هەڵبەستراوە، بەڵکو پێچەوانەکەی راستە و هەردوو پارێزگاری هەولێرو سلێمانی رێکاری پێویستیان گرتە بەر بۆ چوونی هێلکە لە هەولێر بۆ سلێمانی".

ئاماژەی بەوەشکردەوە "پارێزگاری هەولێر چوونی هێلکەی بۆ بەغدا راگرت و داوای لە هەموو کارگەکان کرد هێلکە بنێرنە سلێمانی، بۆ ئەم مەبەستەش‌ قایمقامی ناوەندو بازگەکانی راسپارد کە ئەو پەڕی ئاسانکاری بکەن، پارێزگاری سلێمانیش خۆی ئاگاداری ووردەکاری هەنگاوەکانە".