مه‌ودا میدیا-

له‌دوای كه‌وتنه‌وه‌ی ئاگر له‌ وێستگه‌ی غازی كۆرمۆر، وێستگه‌كانی به‌رهه‌مهێنانی كاره‌با چاوه‌ڕێی به‌رزبونه‌وه‌ی په‌ستانی غازن بۆئه‌وه‌ی ئاستی به‌رهه‌مهێنانی كاره‌با بچێته‌وه‌ دۆخی ئاسایی خۆی.

له‌دوای ئه‌وه‌ی شه‌وی رابردوو ئاگر له‌ وێستگه‌ی غازی كۆرمۆر كه‌وته‌وه‌ و به‌و هۆیه‌وه‌ به‌شێكی وێستگه‌كه‌ كوژایه‌وه‌ و نزیكه‌ی 170 مقمق هه‌نارده‌ی غاز كه‌می كرد به‌وه‌ش 800 مێگاوات كاره‌با كه‌می كرد".

له‌ راگه‌یه‌نراوێكدا ئومێد محمد، به‌ڕێوه‌به‌ری كۆنترۆڵی كاره‌بای هه‌رێم رایگه‌یاند "تیمەکانی کۆنترۆڵی کارەبای وەزارەت و بەڕێوەبەرایەتی گشتی بەرهەمهێنان بە هەماهەنگی لەگەڵ وەزارەتی سامانە سروشتیەکان توانیویانە بارودۆخەکە کۆنترۆڵ بکەن و نەهێڵدرێت کوژاندنەوەی گشتی کارەبا روبدات، دۆخەکە بەرەو ئاسایی بونەوە دەچێت و چاوەڕوانی بەرزبونەوەی پەستانی غازین تا ئاستی بەرهەمهێنانی کارەبا ئاسایی بێتەوە".