مه‌ودا میدیا-

له‌ سنوری پارێزگای هه‌ولێر هه‌ڵمه‌تی بڕینی كاره‌بای زیاده‌ڕۆیی به‌رده‌وامه‌ و پارێزگاری هه‌ولێریش ده‌ڵێت ئه‌م هه‌ڵمه‌ته‌ درێژه‌ی ده‌بێت و ته‌واوی ماڵ و كێڵگه‌ و پرۆژه‌ و شوێنه‌ جیاجیاكان ده‌گرێته‌وه‌، باس له‌وه‌شده‌كات هه‌ندێك كه‌س ئیشی ره‌ش به‌كاره‌باوه‌ ده‌كه‌ن و وه‌كو باندیان لێهاتووه‌.

فرسه‌ت سۆفی، پارێزگاری هه‌ولێر له‌ كۆنگره‌یه‌كی رۆژنامه‌نووسیدا رایگه‌یاند "هه‌ڵمه‌تی بڕینی كاره‌بای زیاده‌ڕۆ به‌رده‌وامه‌ و هه‌ر كه‌سێك زیاده‌ڕۆیی كردبێت كاره‌باكه‌ی ده‌بڕردرێت، هیوادارم هیچ كه‌سیش هه‌ڵه‌ی وانه‌كات دوای ئه‌وه‌ی غه‌رامه‌ كرا، جارێكی تر بچێت سه‌رپێچی بكاته‌وه‌".

پارێزگاری هه‌ولێر وتی "هه‌ندێك كه‌س هه‌ن ئیشی ره‌ش به‌ كاره‌باوه‌ ده‌كه‌ن، وه‌كو باندیان لێهاتووه‌، دوێنێ‌ چه‌ند كه‌سێكمان لێ‌ ده‌ستگیركردوون و به‌رده‌وام ده‌بین له‌ ده‌ستگیركردنی ئه‌وانه‌ی تر".