مه‌ودا میدیا-

له‌ قه‌زای دوكان هه‌ڵمه‌تی نه‌هێشتنی زیاده‌ڕۆیی له‌سه‌ر تۆڕه‌كانی كاره‌با ده‌ست پێده‌كات، قایمقامی قه‌زاكه‌ش ده‌ڵێت له‌ پێناو به‌رژه‌وه‌ندی گشتی هاووڵاتیان ئه‌م هه‌ڵمه‌ته‌ به‌ڕێوه‌ده‌چێت.

سیروان سه‌رحه‌د، قایمقامی قه‌زای دوكان به‌ مه‌ودا میدیای راگه‌یاند "له‌گه‌ڵ به‌ڕێوه‌به‌ری گشتی كاره‌بای سلێمانی و به‌ڕێوه‌به‌ری چه‌ند ناحیه‌یه‌ك هه‌ڵمه‌تی نه‌هێشتنی زیاده‌ڕۆییمان له‌سه‌ر تۆڕه‌كانی كاره‌با راگه‌یاند، ئه‌م هه‌ڵمه‌ته‌ له‌سه‌ر راسپارده‌ و بڕیاری هه‌ردوو وه‌زاره‌تی ناوخۆ و كاره‌با ئه‌نجام ده‌درێت".

قایمقامی قه‌زای دوكان وتی "له‌ هه‌ڵمه‌ته‌كه‌دا ستافه‌كانی به‌ڕێوه‌به‌رایه‌تی و فه‌رمانگه‌ی كاره‌با به‌شدارده‌بن و هێزه‌ ئه‌منییه‌كان هاوكاریان ده‌بن، چاوپۆشی له‌هیچ كه‌س ناكه‌ین، چونكه‌ كاره‌كه‌ له‌ پێناو به‌رژه‌وه‌ندی گشتی هاوڵاتیاندا ئه‌نجام ده‌ده‌ین".