مەودا میدیا-

وتەبێژی پۆلیسی گه‌رمیان رایگه‌یاند، دوای ئه‌وه‌ی دوێنێ دووشه‌ممه‌ به‌ ئۆتۆمبێله‌كه‌ی منداڵێكی شێلا، شۆفێرێك ئه‌مڕۆ خۆی راده‌ستی هێزه‌ ئه‌منیه‌كان كرد.

عه‌لی جه‌مال قەدوری، وتەبێژی پۆلیسی گه‌رمیان بڵاویكرده‌وه‌، دوای ئه‌وه‌ی شه‌وی رابردوو له‌ناحیه‌ی رزگاری سه‌ر به‌قه‌زای كه‌لار ئۆتۆمبێلێك له‌جۆری لاندکرۆزه‌ر منداڵێكی شه‌ش ساڵانی به‌ناوی (ره‌وەز عوسمان حه‌مید) شێلا و هه‌ڵات، دوای گه‌یاندنی منداڵه‌كه‌ به‌به‌شی فریاكه‌وتنی شه‌هید هه‌ژار له‌كه‌لارو چاره‌سه‌ری خێرا به‌هۆی سه‌ختی برینه‌كه‌یه‌وه‌ ره‌وانه‌ی نه‌خۆشخانه‌ی سلێمانی كرا.

ئه‌وه‌شی خسته‌ڕوو "به‌هۆی سه‌ختی برینه‌كه‌یه‌وه‌ ئه‌و منداڵه‌ شه‌ش ساڵانه‌ له‌ نه‌خۆشخانه‌ی فریاكه‌وتنی سلێمانی به‌یانی ئه‌مڕۆ سێشه‌ممه‌ كۆتایی به‌ژیانی هات".

باسی له‌وه‌شكردوو "شۆفێری ئۆتۆمبێله‌كه‌ خۆی راده‌ستی بنكه‌ی پۆلیسی رزگاری كردووە و له‌ئێستادا به‌بڕیاری دادوه‌رو به‌پێی ماده‌ی 24ی هاتوچۆ به‌ندكراوه‌".

ر. ر