مەودا میدیا-

چوار زیندانی سیاسی كورد لە زیندانی ئەوین لە وڵاتی ئیران ماوەی 6 رۆژە مانیان گرتووە بەهۆی ئەوەی بەشێوەیەكی دادپەروەرانە مامەڵەیان لەگەڵ نەكراوە.

 هەر یەكە لە بەرزان محەمەدی، مەهدی مەسكین، رەزا حوسێنی، خالید پیرزادە لە ناو گرتوخانەی ئەوین ماوەی 6 رۆژە دەستیان داوەتە مانگرتن بەهۆی ئەوەی بێبەری كراون لە دادوەری كردنی نادادپەروەرانە و دژایەتی كردنی دەزگای دادوەری لەگەڵ ئازادیی بێمەرجی ئەوان و لە بەرچاونەگرتن و جیانەكردنەوەی زیندانییان بەپێی تاوانەكانیان بەهۆیەوە ماوەی 6 ڕۆژە مانیان گرتووە.

ئەو زیندانیانە لە لایەن دادگای سەرەتایی بە تۆمەتی كۆبوونەوەیان و هەوڵدان بۆ تێكدانی ئەمنیەتی نەتەوەیی بە 3 بۆ 6 ساڵ زیندانیان بەسەردا سەپێنراوە لە لایەن دادگای پێداچوونەوە تاران.