مەودا میدیا-

پۆلیسی سلێمانی رایگەیاند، لەلایەن هێزەكانی پۆلیسی چەمچەماڵەوە تۆمەتبارێك دەستگیركرا كە ته‌قه‌ی‌ له‌ دوو هاوڵاتی‌ كردبوو و برینداریكردبوون.

ئەمڕۆ چوارشەممە بەڕێوەبەرایەتیی پۆلیسی پارێزگای سلێمانی رایگەیاند، دوای‌ ئه‌وه‌ی‌ رووداوێكی‌ ته‌قه‌كردن له‌ كۆمه‌ڵگه‌ی‌ قه‌ره‌ناو روویدا و به‌هۆیه‌وه‌ دوو كه‌س برینداربوون، مه‌فره‌زه‌كانی‌ بنكه‌ی‌ پۆلیسی‌ قه‌ره‌ناو گه‌یشتنه‌ شوێنی‌ رووداوه‌كه‌ و لێكۆڵینه‌وه‌كانیان بۆ دۆزینه‌وه‌ و ده‌ستگیركردنی‌ تۆمه‌تبار ده‌ستپێكرد.

ئاماژەی بەوەشكردووە، هه‌مان شه‌و توانرا تۆمه‌تباره‌كه‌ له‌لایه‌ن مه‌فره‌زه‌كانی‌ بنكه‌ی‌ پۆلیسی‌ قه‌ره‌ناو به‌هاوكاریی‌ بنكه‌ی‌ ئاسایشی‌ قه‌ره‌ناو ده‌ستگیربكه‌ن.

ئەوەشی خستووتەڕوو "له‌ئێستادا تۆمه‌تبار (ش.ع.م.) به‌ بڕیاری‌ دادوه‌ر و به‌پێی‌ مادده‌كانی‌ (405) و (31) له‌ یاسای‌ سزادانی‌ عیراقی‌ راگیراوه‌ و لێكۆڵینه‌وه‌كان به‌رده‌وامن‌".

ر. ر