مەودا میدیا-

پۆلیسی گەرمیان دەستگیرکردنی تۆمەتبارێکی راگەیاند کە بەنیازبووە هاوڵاتییەک بکوژێت و بەچەقۆ هێرشبکاتە سەری.

موقەدەمی مافپەروەر علی جەمال قدووری، بەرپرسی راگەیاندنی پۆلیسی گەرمیان رایگەیاند "بنکەی پۆلیسی ناحییەی رزگاری سەربەقەزای کەلار تۆمەتبارێکیان دەستگیرکرد کەبەنیازبوە بەچەقۆ هێڕش بکاتە سەردوکاندارێک و بیکوژێت". 

ئاماژەی بەوەشکرد "دوای دەستگیرکردن و لێکۆڵینەوە لەگەڵیدا دانی بەوەدا نا کە کەسێک هانی داوە بەکوشتنی ئەو هاوڵاتییە لەبەرامبەردا سێ هەزار دۆلاری پێ دەدات" . 

ئەوەشی خستووەتەڕوو "لەئێستادا تۆمەتبار و ئەو کەسەی هانی داوە بۆ کوشتنی ئەو هاوڵاتییە بەبڕیاری دادوەر و بەپێی مادەی 432 بەندکراون،  هەروەها لێکۆڵینەوەش لەگەڵیاندا بەردەوامە".