مەودا میدیا-

سه‌رۆكی ده‌سته‌ی سیاسی و ئه‌ندامی لیژنه‌ی دانوستانكاری ره‌وتی سه‌در رایدەگەیەنێت تائێستا هیچ بڕیارێکیان لەبارەی پۆستی سەرۆک وەزیرانی عیراقەوە نەداوە.

نه‌سار روبه‌یعی، سه‌رۆكی ده‌سته‌ی سیاسی و ئه‌ندامی لیژنه‌ی دانوستانكاری ره‌وتی سه‌در بە رۆژنامەنووسانی رایگه‌یاند "سه‌رجه‌م ئه‌و زانیاریانه‌ی له‌باره‌ی كاندیدی ره‌وتی سه‌در و شێوازی پێكهێنانی حكومه‌تی نوێ بڵاوكراونه‌ته‌وه‌ دوورن له‌ڕاستیه‌وه‌ و هیچ هه‌ڵوێستێكمان تائێستا له‌وباره‌یه‌وه‌ ده‌رنه‌بڕیووه‌".

ئاماژەی بەوەشکرد "دەبێت میدیاکان ئاگاداری ئەوە بن هەواڵی ناڕاست بڵاونەکەنەوە، هەروەها ئەگەر میدیاکان لەسەر ئەم کارە بەردەوام بن رێککاری یاسایی دەگرینەبەر".

س،ر