مەودا میدیا-

بە بڕیاری وەزیری پەروەردە تاقیكردنه‌وه‌ به‌راییه‌كانی قۆناغی 12ی ئاماده‌یی كه‌ بڕیاربوو ئه‌مڕۆ دووشه‌ممه‌ 10ی شوباتی 2020 ده‌ستپێبكات دواخرا. 

به‌ڕێوه‌به‌رایه‌تی گشتی ئه‌زموونه‌كان له‌ وه‌زاره‌تی په‌روه‌رده‌ی هه‌رێمی کوردستان لە راگەیاندراوێکدا ئاماژەی بەوەکردووە "بڕیاردرا تاقیكردنه‌وه‌ به‌راییه‌كانی ساڵی خوێندنی (2019-2020) بۆ ماوه‌ی پێنج رۆژ دوابخرێت و رۆژی شه‌ممه‌ی داهاتوو 15-2-2020 له‌ كاتژمێر 1:00 پاشنیوه‌ڕۆ به‌ هه‌مان زنجیره‌ی خشته‌ی تاقیكردنه‌وه‌كان ده‌ستپێده‌كاته‌وه‌".

ئه‌وه‌ش خراوەتەڕوو "به‌هۆی ناله‌باری كه‌شوهه‌وای چه‌ند ناوچه‌یه‌كی هه‌رێمی كوردستان كه‌ ئاسته‌نگی بۆ قوتابیان و خوێندكاران دروستكردووه‌ بڕیاردراوه‌ تاقیكردنه‌وه‌كان دوابخرێن".