مەودا میدیا-

توێژینەوەیەکی نوێ ئاشکرایکردووە، بەشێک لە کچان ترسیان بەرانبەر بڕیاری هاوسەرگیری هەیە و بەشێک لە هۆکارەکان دەروونین و بەشێکیشیان جەستەیی.

بەپێی توێژینەوەیەک کە لە وڵاتی میسر ئەنجامدراوە، هۆکارەکانی ترسی بەشێک لە کچان لە بڕیاردان لەبارەی پرۆسەی هاوسەرگیری، بریتین لەمانە:

1- ترس لە هەڵگرتنی بەرپرسیارێتی. 
2- هەستنەکردن بەئارامی.
3- تێپەڕبوون بە ئەزموونێکی پێشووی شکستخواردوو.
4- رووبەڕووبوونەوەی رووداوێکی سێکسی.
5- زۆر هۆگربوون بە کەسوکار.
6- کەمدەرامەتی و بێکاری.
7- ترسی کچان لە داهاتووی پێشەییان.
8- ترسی کچان لە ئازارەکانی سەرجێیکردن و دووگیانبوون و منداڵبوون.

هەر بەگوێرەی ئەو توێژینەوەیە نیشانەکانی ترسی کچان لە پرۆسەی هاوسەرگیری بریتین لەمانە:

1- دڵتەنگی و خەمۆکی
2- دوورکەوتنەوە لە کەسانی دیکە
3- زیادبوونی لێدانی دڵ
4- هەناسەتەنگی
5- حەزکردن بە گریان

هاوکات، توێژینەوەکە چارەسەرەکانی رووبەڕووبوونەوەی ئەو حاڵەتانەشی خستووەتەڕوو، کە بریتین لەمانە:

1- دانیشتن و گفتۆگۆکردن لەگەڵ کەسوکار
2- بەکارهێنانی دەرمانی دژەخەمۆکی لەژێر چاودێری پزیشک

ر. ب