مەودا میدیا-

دەنگۆی دەستگیکردنی مەلا عەلی کەڵەک لە وڵاتی سعودیە بڵاوکراوەتەوە بە تۆمەتی فێڵکردن لە هاوڵاتیان بەناوی چارەسەرکردنی نەخۆشی.

بەپێی هەواڵێکی میدیاکانی سعودییە، کەسێکی عیراقی دەستگیرکراوە لەلایەن پۆلیسەوە بە تۆمەتی فێڵکردن لە هاوڵاتیان بە ناوی چارەسەرکردنی نەخۆشییەوە لە مزگەوتی نەبەوی لە شاری مەدینە كه‌ گومان ده‌كرێت ئه‌و كه‌سه‌ش مه‌لا عه‌لی كه‌ڵه‌ك بێت.

ئەمەش دوای ئەوە دێت پێشتر مه‌لا عه‌لی كه‌ڵه‌ك له‌ تۆڕه‌ كۆمه‌ڵایه‌تییه‌كان رایگه‌یاندبوو كه‌ به‌نیازی زیاره‌تی ماڵی خوایه‌ به‌ مه‌به‌ستی عومره‌ و له‌وێ نه‌خۆش و نابینا چاك بكاته‌وه‌ و له‌وباره‌یه‌شه‌وه‌ چه‌ند گرته‌یه‌كی ڤیدیۆیی بڵاو كردبووه‌، هەروەها  زۆرینەی ئاماژەکان ئەوە دەخەنەڕوو کە مەلا عەلی کەڵەک بێت دەستگیرکرابێت، بەڵام تاوەکو ئێستا پۆلیسی سعودیە ناسنامەی ئەو کەسە عیراقییەی ئاشکرا نەکردووە.