مەودا میدیا- سازگار ئەحمەد

وتەبێژی وەزارەتی تەندروستی حکومەتی هەرێمی کوردستان رایدەگەیەنێت لە ئێستادا هیچ بڕیارێک نییە بۆ بە هەمیشەیی کردنی فەرمانبەرانی گرێبەستی تەندروستی ئاماژەی بەوەشکرد هەوڵەکانمان بەردەوامە.

محەمەد قادر، وتەبێژی وەزارەتی تەندروستی حکومەتی هەرێمی کوردستان سەبارەت بە بڕیاری دامەزراندنی فەرمانبەرانی گرێبەستی تەندروستی بە مەودا میدیای راگەیاند "لە ئێستادا هیچ بڕیارێک نییە بۆ دامەزراندنی فەرمانبەرانی گرێبەستی تەندروستی".

ئاماژەی بەوەکرد "ئێمە هەوڵەکانمان بەردەوامە بۆ ئەوەی ئەو فەرمانبەرانەی گرێبەستن بکرێنە هەمیشەیی بەتایبەت بۆ ئەو پسپۆڕیانەی لە ئێستادا پێویستن ".

وتەبێژی وەزارەتی تەندروستی حکومەتی هەرێمی کوردستان  وتی "پسپۆڕیەكانی سەرجەم گرێبەستانی وەزارەتی تەندروستی جیادەكرێنەوە بەپێی پسپۆڕیەكانیان، چونكە هەموو كارمەندان ناكرێن بەهەمیشەیی، بەڵكو ڕەنگە ئەو كارمەندانە بكرێن بەهەمیشەیی كەوا پسپۆڕیەكانیان زۆر پێویستن".